威威大駕光臨
2018-04-04
(大阪限定)牛肉サーテソースご飯登場
2018-04-16

香港人日記-華記茶餐廳專訪

香港人 東京地 茶餐廳賺人情味

愈來愈多人識得去東京飯田橋幫襯港式茶餐廳~

最近飯田橋又開咗間華記茶餐廳,老闆Alex係100%土生土長香港人,

一齊嚟聽吓佢嘅故事吖^^

 

日本美食 蜜月期半年就完

2013年,Alex嚟到日本發展地產事業,最剛半年覺得日本菜好好食:

「懷石理、壽司、拉麵,好正,日日食!」

但係半年之後就開始覺得「頂唔順,要食唐餐」,

每次返香港時就會去澳洲牛奶公司、麥文記等等,

食地道香港菜,始終香港人有香港胃,個胃會掛住家鄉菜。

 

開茶餐廳 原意為員工飯堂

今年三月,華記誕生,其實原意只不過係為咗一班中港台地產員工而設,

等大家每日都有得食唐餐,一解鄉愁。

誰不知慢慢地好多人遠道而來幫襯華記:

「香港客嚟到覺得依到好有香港人情、香港特色,

依到廣東話滿天飛,很有親切感」。

而家好多香港客都會嚟華記gathering,

喺二樓大唱廣東歌卡啦OK,一時間好似返咗香港咁。

Alex話最感動就係有客人不停同佢講多謝,

令喺日本打拼嘅香港人食到真正嘅香港味道:

「開一間茶餐廳賺到人情味係意外收獲。」

 

人氣美食 盡諒做到百份百香港

雲吞每日新鮮包製,生麵底、雲吞皮百分百香港,

湯底都跟足香港咁用大地魚熬製,好受日本人歡迎~

 

絲襪奶茶香濃幼滑,同香港茶記一樣用黑白淡奶,

奶茶杯亦都係全部由人手拖上飛機運到日本,齋睇真係以為自己返咗香港!

 

鮮蝦腸粉即叫即蒸,蒸腸蒸爐專程從香港帶嚟日本,

米漿因為係用日本米整嘅關係,比一般腸粉黏口有彈性,幾特別^^

 

乾炒牛河好乾身,唔會好油膩,

最開心係佢有埋香港個隻辣椒醬,必點!

 

老闆除咗希望華記聚集到一班香港人之外,

亦都希望將香港菜打入日本市場,將香港嘅飲食文化發揚光大。

「我地香港嘢食本身已經好好,唔需要為咗日本人口味而改變!」

聽到依句小編真係好感動,希望有更多香港人可以係到搵到陣人情味,

同時又有更多日本人認識到香港啦:)